Խոզերը համարվում են բավականին խելացի կենդանիներ և հաճախ համեմատվում են շների հետ` ինտելեկտուալ ունակությունների առումով։ Գիտական ուսումնասիրությունները ցույց են տվել, որ խոզերը ունեն զարգացած հիշողություն, կարողանում են լուծել խնդիրներ, ճանաչել իրենց և այլ կենդանիներին հայելու մեջ և անգամ կատարել պարզ հանձնարարություններ։ Շները նույնպես խելացի են, հատկապես մարդկանց հասկանալու և նրանց հետ շփվելու առումով։
Ամերիկյան մասնավոր Էմորիի հետազոտական համալսարանի գիտնականների կատարած վերջին ուսումնասիրությունները ցույց են տալիս, որ նրանք ունեն գերազանց երկարատև և տարածական հիշողություն, խնդիրներ լուծելու հմտություններ, ինչպես նաև առարկաները տարբերակելու կարողություն: Խնդիրներ լուծելուց բացի, հետազոտողները հայտնաբերել են, որ խոզերը դրսևորում են հուզական ինտելեկտ, կարողանում են զգալ զգացմունքների լայն շրջանակ և կարեկցել ուրիշներին: Ավելին, գիտնականները խոզերին դասում են աշխարհի հինգերորդ ամենախելացի կենդանիների շարքին: Նշվում է, որ իրականում նրանք ավելի խելացի են, քան շատ փոքր երեխաներ: Օրինակ, երբ հայելու անդրադարձը հասկանալու համար երեխային տարիներ է հարկավոր, խոճկորները հաջողության են հասնում ընդամենը մի քանի ժամում: