Դոնալդ Թրամփը բացատրել է ԱՄՆ միջուկային փորձարկումները՝ ասելով, որ Ռուսաստանը և Չինաստանը ևս նմանատիպ փորձարկումներ են անցկացնում:
Սպիտակ տան ղեկավարը նաև խոսել է ապամիջուկայնացման մասին, հաղորդում է CBS-ն:
ԱՄՆ նախագահը հարցազրույց է տվել իր ասիական շրջագայությունից հետո։ Հարցազրույցի ընթացքում Թրամփին հարց են ուղղել ԱՄՆ-ի միջուկային փորձարկումների մասին։
Թրամփը հաստատել է, որ ինքն իսկապես նման հրաման է տվել։ Նա նշել է, որ ԱՄՆ-ն աշխարհում ունի միջուկային զենքի ամենամեծ զինանոցը, իսկ Ռուսաստանը երկրորդն է։ Նա նաև նշել է, որ Չինաստանը շուտով կհասնի նրանց։ Թրամփը կարծում է, որ աշխարհը կարիք ունի ապամիջուկայնացման։
«Ի դեպ, ես սա քննարկել եմ և՛ նախագահ Պուտինի, և՛ նախագահ Սիի հետ։ Ապամիջուկայնացումը շատ կարևոր թեմա է։ Մենք ունենք բավարար միջուկային զենք՝ աշխարհը 150 անգամ ոչնչացնելու համար»,- նշել է նա։