Պաբլո Պիկասոյի՝ քանդակագործ ընկերոջը պատկերած «Մատեո Ֆերնանդես դե Սոտոյի դիմանկարը» նկարից գրեթե 125 տարի անց բարձր տեխնոլոգիական պատկերային գործիքները բացահայտել են դրա ներքո թաքնված մեկ այլ դիմանկար: Այն պատկերում է մի կնոջ, որի գլխի և մարմնի ուրվագիծը հստակ երևում է, և սա տեխնոլոգիայի վերջին օրինակն է, որը բացահայտում է արվեստի դարավոր առեղծվածները, գրում է Forbes-ը։
Հետազոտողները հայտնաբերել են կնոջը՝ օգտագործելով առաջադեմ ինֆրակարմիր և ռենտգեն պատկերման տեխնոլոգիա, որը հստակ ցույց է տվել նրա մատներն ու կամարակապ ուսերը, ինչպես նաև շինյոնով կապված մազերը, ինչը նորաձև էր 20-րդ դարասկզբի Փարիզի կանանց շրջանում: Կնոջ ինքնությունը, գոնե առայժմ, մնում է անհայտ, թեև նա նման է Պիկասոյի նկարած կանանց։
