Այս շաբաթ ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի միջև հեռախոսազրույց է տեղի ունեցել ու տևել է գրեթե մեկ ժամ։ Զանգվածային լրատվամիջոցների հաղորդմամբ՝ այն անցել է լարված մթնոլորտում։ Պուտինը չի ցուցաբերել հետաքրքրություն՝ պատերազմը դադարեցնելու հարցում և, ինչպես հաղորդվում է, սառնությամբ է վերաբերվել Թրամփի առաջարկներին։
Զրույցից հետո Թրամփը բացահայտ արտահայտել է դժգոհությունն ամերիկացի լրագրողների առջև.
«Պուտինը չի ցանկանում կանգ առնել», — բարկացած հայտարարել է նա։
Թրամփը հավելե է, որ «խիստ հիասթափված է» և «բոլորովին գոհ չէ» ռուս գործընկերոջ հետ խոսակցության արդյունքներից, ում հետ նա ունի «բարդ և անկայուն հարաբերություններ»։ Թրամփի խոսքով՝ Պուտինը կտրականապես հրաժարվում է խաղաղության ուղղությամբ քայլեր ձեռնարկել։
Թրամփի հիասթափությունը, ըստ երևույթին, չի ազդել Կրեմլի վրա։ Պուտինի խորհրդատու Ուշակովը հայտարարել է.
«Ռուսաստանը շարունակում է հետևել իր նպատակներին»։
Նրա խոսքով՝ նախագահերը, ենթադրաբար, «լավ հասկացել են միմյանց» խոսակցության ընթացքում։ Սակայն Թրամփի արձագանքը հակառակն է ցույց տալիս. նա մնաց առանց արդյունքի, մինչդեռ Պուտինը անհողդողդ դիրքորոշում է հայտնել։
Խոսակցության ավարտից անմիջապես հետո Ռուսաստանն ուղարկել է 550 հրթիռ և անօդաչու սարք դեպի Կիև։ Ուկրաինայի արտաքին գործերի նախարար Անդրեյ Սիբիգան այդ գիշերը անվանել է պատերազմի սկզբից ամենասարսափելիներից մեկը.
«Պուտինը հստակ հասկացրել է. նրան չեն հետաքրքրում Թրամփն ու ԱՄՆ-ն։ Բավական է խոսելուց, ժամանակն է գործելու», — գրել է նա X-ում (Twitter):
Սիբիգան կոչ է արել սանկցիաներ սահմանել՝ ընդգծելով, որ Պուտինը չպետք է խուսափի պատասխանատվությունից։
Սակայն Վաշինգտոնից մինչ այժմ չեն հաղորդել սանկցիաների մասին։ Միայն հայտարարություն է արվել, որ «կողմերի միջև շփումները կշարունակվեն»։ Թրամփը հայտնել է, որ նախատեսում է այսօր խոսել Ուկրաինայի նախագահ Վլադիմիր Զելենսկու հետ, սակայն նրա խոսքերը Կիևում ընկալվում են որպես դատարկ խոստումներ։