Հայաստանի պետական ֆիլհարմոնիայի եւ Ֆիլհարմոնիայի զարգացման հիմնադրամի
կողմից իրականացվող «Ռեզոնանս» նախագծի շրջանակում մեկնարկել է կենդանի
երաժշտության համերգների կազմակերպման, կառավարման եւ սպասարկման, ինչպես
նաեւ համերգասրահների տեխնիկական սպասարկման ոլորտի բարեփոխումների
գործընթացը։
Նախագիծն իրականացվում է Եվրոպական միության LiveMX ծրագրի ֆինանսավորմամբ։
Ծրագրի մեկնարկային փուլում տեղի են ունեցել «կլոր սեղան» ձեւաչափով մի շարք
հանդիպումներ՝ համերգասրահների, մշակութային կենտրոնների եւ ակումբների
ներկայացուցիչների մասնակցությամբ։ Քննարկումների ընթացքում վերհանվել են
ոլորտում առկա խնդիրները, բացերը եւ ձեւակերպվել հնարավոր լուծումների
տարբերակներ։
Նախագծի հաջորդ փուլում նախատեսվում են հանրային քննարկումներ, վարպետության
դասեր եւ վերապատրաստումներ՝ միտված ոլորտի ներուժի բացահայտմանը եւ
միջազգային չափանիշների ներդրմանը՝ հաշվի առնելով հայաստանյան երաժշտական
սրահների ներկայացուցիչների կողմից բարձրաձայնված բոլոր խնդիրները:
Այս օրերին «Ռեզոնանս»-ը սկսում է հանրային առցանց քննարկումների շարք, որոնց
ընթացքում մասնակիցները կկարողանան բացահայտել կենդանի երաժշտության ոլորտի
տեխնիկական ենթակառուցվածքների` իրենց անհայտ կողմերը, ստանալ
մասնագիտական պատասխաններ՝ համերգասրահների, դրանց լուսային եւ ձայնային
համակարգերի կառավարման ու սպասարկման հիմնական կետերի շուրջ։
Քննարկումների ժամանակացույցը՝
- Օգոստոսի 5, ժամը 17:00 — Կենդանի երաժշտության համերգների տեխնիկական
կառավարում - Օգոստոսի 6, ժամը 17:00 — Լուսային համակարգերի կառավարում
համերգասրահներում - Օգոստոսի 7, ժամը 17:00 — Ձայնային համակարգերի կառավարում
համերգասրահներում
Գրանցման հղումը՝ https://tinyurl.com/3w6ayp25
Մասնակցությունը քննարկումներին անվճար է։
Նախագիծը նպատակ ունի ցույց տալ այն հետաքրքիր սինթեզը, որ ձեւավորվում է
արվեստի եւ գիտության հատման կետում, երբ տեխնոլոգիան դառնում է արվեստ։
Հետեւեք «Ռեզոնանս» նախագծի բոլոր նորություններին՝ բաց չթողնելու ոլորտային
զարգացումների այս կարեւոր շրջափուլը։
Հայաստանի պետական ֆիլհարմոնիա
Ֆիլհարմոնիայի զարգացման հիմնադրամ