Ռուսաստանն ու Բելառուսը զորավարժություններ են սկսել ՆԱՏՕ-ի սահմանների մոտ՝ մոդելավորելով միջուկային պատերազմ։
Պարզապես երկու օր անց, երբ լեհական բանակը խոցեց իր օդային տարածքում հայտնված ռուսական անօդաչուներին, Մոսկվան և Մինսկը մեկնարկեցին «Արևմուտք-2025» մասշտաբային զորավարժությունները։ Այս անգամ խոսքը միայն սահմանների պաշտպանության մասին չէ․ ինչպես ընդգծում են ռուսական պետական լրատվամիջոցները՝ զինված ուժերը կվերապատրաստվեն նաև «միջուկային զենքի կիրառմանը»։
Պաշտոնական տվյալներով, զորավարժություններին մասնակցում է շուրջ 18 հազար զինծառայող, որոնցից 5,5 հազարը՝ ռուս։ Հիմնական հարթակը Բելառուսն է, որտեղ Կրեմլը պատրաստվում է փորձարկել նոր «Օրեշնիկ» հրթիռային համալիր։
Միևնույն ժամանակ ՆԱՏՕ-ն անցկացնում է հակազորավարժություններ, որոնցում ներգրավված է 34 հազար զինվոր։ Եվ այս ամենը տեղի է ունենում միմյանցից ոչ հեռու՝ մարտական կրակոցներով ու ծանր տեխնիկայի կիրառմամբ։
Լեհաստանն արդեն փակել է օդային տարածքի մի մասը Բելառուսի և Ուկրաինայի սահմաններին, իսկ այս երեկո ՄԱԿ-ի Անվտանգության խորհուրդը քննարկելու է ռուսական անօդաչուների ներխուժման հարցը։