Գլխավոր դատախազությունը «Մարտի 1»-ի գործով նոր մեղադրանք է առաջադրել պաշտպանության նախկին նախարար Սեյրան Օհանյանին:Նա մեղադրվում է ուժի գործադրմամբ պաշտոնեական լիազորություններն անցնելու համար։Հակակոռուպցիոն դատարանում դատախազը ներկայացրել է մեղադրանքը, համաձայն որի՝ Օհանյանը, 2008թ․ լինելով Զինված ուժերի գլխավոր շտաբի պետ, այլ անձանց հանցակցությամբ կատարել է լիազորությունների շրջանակից ակնհայտ դուրս եկող գործողություններ, ինչն անզգուշությամբ հանգեցրել է ծանր հետևանքների։Այս արարքի համար որպես պատիժ նախատեսված է 4-8 տարվա ազատազրկում։
Հիշեցնենք, որ «Մարտի 1»-ի գործով Սեյրան Օհանյանն արդեն մեղադրվում էր ՀՀ նախկին քրեական օրենսգրքի 300.1-րդ հոդվածի 1-ին մասով` ՀՀ սահմանադրական կարգը տապալելու համար: