Երևան քաղաքի Աջափնյակ վարչական շրջանի Սիլիկյան 5-րդ փողոցն( սկսում է
Սիլիկյան 8-րդ փողոցից հասնում մինչև Սիլիկյան 13-րդ փողոց) կանվանակոչվի ՀԽՍՀ
ժողովրդական արտիստ, նշանավոր հայ կոմպոզիտոր Ալեքսանդր Աճեմյանի անվամբ՝
«Ալեքսանդր Աճեմյան փողոց»: Առաջարկն ընդգրկված է Երևանի ավագանու հոկտեմբերի 23-ի նիստի օրակարգում։

Ծնվել է Թբիլիսիում 1925թվականի օգոստոսի 25-ին: Եղել է բեմադրիչ Վարդան
Աճեմյանի և դերասանուհի Արուս Ասրյանի որդին: 1955թ. ավարտել է Երևանի Կոմիտասի
անվան պետական կոնսերվատորիան: Գրել է վեց սիմֆոնիա, որոնց մեջ կան նաև
ծրագրային բնույթի գործեր«Սասունցի Դավիթ» (1955-84թթ), «Յոթ երգ Հայաստանի մասին» (ըստ Գևորգ Էմինի, 1979թ.): Հեղինակել է նաև «Հովվերգական սիմֆոնիետ» (1984թ.), «Լորիկը», «Երևանը» սիմֆոնիաները, «Ռեքվիեմ», պոեմ-ռապսոդիա սիմֆոնիկ նվագախմբի համար (1957թ.), վոկալ-գործիքային շարք, ռոմանսներ, երգեր, երաժշտություն թատերական ներկայացումների և կինոնկարների համար: Հայ երաժիշտներից առաջինն է եղել, որ սիմֆոնիկ նվագախումբ է մտցրել մարդկային ձայն (սոպրանո), ինչպես օրինակ նրա երկրորդ սիմֆոնիան: Հեղինակել է հուզական և
քնարական բազում երգեր: 1971-87թթ դասավանդել է Երևանի կոնսերվատորիայում:
1975թ. արժանացել է ՀՀ Պետական մրցանակի, 1965թ.՝ Հայաստանի արվեստի
վաստակավոր գործչի, 1984թ.` ժողովրդական արտիստի կոչման: Մահացել է Երևանում:
Այս տարի լրանում է ՀԽՍՀ ժողովրդական արտիստ, նշանավոր հայ կոմպոզիտոր
Ալեքսանդր Աճեմյանի հոբելյանական 100-րդ տարելիցը և վերջինիս անվամբ Երևան
քաղաքում փողոց անվանակոչելու միջնորդություն է ներկայացվել Հայաստանի
կոմպոզիտորների միության նախագահ Արամ Սաթյանի կողմից:
Առաջարկվում է Երևան քաղաքի Աջափնյակ վարչական շրջանի Սիլիկյան 5-րդ
փողոցն անվանակոչել ՀԽՍՀ ժողովրդական արտիստ, նշանավոր հայ կոմպոզիտոր
Ալեքսանդր Աճեմյանի անվամբ՝ «Ալեքսանդր Աճեմյան փողոց»:
Հաշվի առնելով վերոգրյալը և ղեկավարվելով «Երևան քաղաքում տեղական
ինքնակառավարման մասին» օրենքի 12-րդ հոդվածի 1-ին մասի 23-րդ կետի դրույթներով,
Հայաստանի Հանրապետության կառավարության 2005 թվականի դեկտեմբերի 29-ի
N2387-Ն որոշման հավելվածով սահմանված կարգի 4-րդ կետով՝ Երևան քաղաքի
ավագանու քննարկմանն է ներկայացվում սույն որոշման նախագիծը։