Սիրիայի նոր ռեժիմի անկյունաքարային ներկայացուցիչ Շադի Մուհամմադ ալ Վայիսին, որ Սիրիայի նոր պսևդոկառավարության արդարադատության նախարարն է 2015թ.-ին կազմակերպել և փաստացի իրականացրել է երկու սիրիացի կանանց հրապարակային մահապատիժը: Կանայք մեղադրվել են անբարոյականության մեջ: Այս մասին Տելեգրամի իր ալիքում գրել է քաղաքագետ Հայկ Մարտիրոսյանը։ Նրա փոխանցմամբ Ալ Վայիսին եղել է «քրեական գործի» շարիաթի «դատավորը»: Հրապարակված տեսանյութում ալ Վայիոին կքրդում է մեղադրանքը, հետո մահապատժի դատապարտման իր սեփական հրամանը և հրահանգում դահճին` արագ իրականացնել այն: Կանանցից մեկը խնդրում է թույլ տալ մի վերջին անգամ գրկել իր երկու երեխաներին, բայց ալ Վայիսին մերժում է: Հրամանն իրականացվում է տեղում` ավանի հրապարակում և երկու կանայք գնդակահարվում են: Հանցավոր և ապօրինի մահապատիժներին հետևում է իսլամիստների կողմից Ալլահու աքբար բացականչությունների շարանը և տեսանյութն ավարտվում է: Բազմաթիվ սիրիական և Արևմտյան հեղինակավոր աղբյուրներ հաստատել են տեսանյութի իրականությունը և նոր արդարադատության նախարարի անձի ինքնությունը: Միաժամանակ սիրիական ռեժիմի ներկայացուցիչները փորձում են համոզել Արևմուտքին, թե իրենք անցել են այդ փուլից և թե դա «այն ու այլ ժամանակ էր ու այն ու այլ վայրում»: Թե որքանով են ջիհադիստ մարդասպանները մաքրվել իրենց անցյալից` հարց է: Բայց հարց է նաև, թե արդյո՞ք նախկինում կատարած հանցագործությունները մարդկության դեմ մաքրվում են, երբ ստանձնում են իշխանություն: Իսկ, թե ինչպես ստանձնեցին իշխանություն`արդեն բոլորին է հայտնի. Ռուսաստանի և Թուրքիայի պայմանավորվածության արդյունքում: Հիմա Արևմուտքը փորձում է Սիրիային պահել կառավարելիության ուղեծրում և ստիպված ձեռք է մեկնում փողկապավոր ու լվացված նախկին ջիհադիստներին: Թե որքանով դա կարդարացնի իրեն` դժվար չէ կռահելը:
Սիրիայի Արդարադատության նոր նախարարն իրականացրել է երկու կանանց հրապարակային մահապատիժը
🔖Tags:
Արդարադատության նախարար Սիրիա