Երեկ՝ օգոստոսի 11-ին, կեսգիշերին մոտ, Սուրբ Հովհաննես մատուռ բարձրացող ճանապարհին Սպիտակի հրշեջ-փրկարարները հայտնաբերել են երեք մոլորված քաղաքացիների՝ դեմքի եւ գլխի շրջանում բազմաթիվ վնասվածքներով։ Հրշեջ-փրկարարները նրանց մոտեցրել շտապօգնության ավտոմեքենային։ Սպիտակի ԲԿ_ից հայտնում են, որ տուժածները տարբեր աստիճանի մարմնական վնասվածքներով տեղափոխվել են Սպիտակի բժշկական կենտրոն։ Համալիր հետազոտությունների արդյունքում նրանց մոտ արձանագրվել են գլխի շրջանում պատռված վերքեր և այլ վնասվածքներ։ Հիվանդանոց տեղափոխվածները ընտանիքի անդամներ են, հայրը, մայրն ու որդին՝ Գեղարքունիքի մարզից, ովքեր եկել էին Սուրբ Հովհաննես մատուռ ուխտագնացության, իսկ վնասվածքները ստացել էին սարն իջնելիս։ Տուժածներին ցուցաբերվել է անհրաժեշտ բուժօգնություն, վիճակները գնահատվել է բավարար։ Այսօր արդեն նրանք դուրս են գրվել բժշկական կենտրոնից։
Սուրբ Հովհաննես մատուռից երեք հոգու տեղափոխել են հիվանդանոց
🔖Tags:
Մատուռ շտապօգնություն Սուրբ Հովհաննես