Պլազմային ամպի ժամանումը, որի հետ կապված է գեոմագնիսական իրավիճակի սպասվող վատթարացումը, Երկրի ուղեծիր, ըստ հաշվարկների կանխատեսվում է Երևանի ժամանակով մոտավորապես առավոտյան ժամը 04։00-ին։ Այդ գեոմագնիսական լարվածության հետ կապված ընդհանուր տևողությունը կկազմի ավելի քան 30 ժամ: Հայտնում է Հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը։
Ամենաուժեղ մագնիսական փոթորիկները սպասվում են Երևանի ժամանակով ժամը 04:00-ից մինչև 16:00-ն ընկած ժամանակահատվածում, առավելագույնը՝ առավոտյան ժամը 09:00-ին: Այս պահին փոթորկի ամենահավանական մակարդակն համարվում է G3 (ուժեղ): Ավելի բարձր G4 մակարդակի հասնելու հավանականությունը մոտ 10% է:
Փոթորիկների ֆոնին հնարավոր է, բևեռափայլի գոտու իջեցում մինչև 50-55 աստիճան աշխարհագրական լայնություններ, այսինքն՝ մինչև Մոսկվա նույնիսկ ավելի ցածր։
Ի՞նչ ախտանշաններ են լինում մարդկանց մոտ մագնիսական փոթորիկների ժամանակ:
Մագնիսական փոթորիկները ամենամեծ ազդեցությունն ունեն եղանակի նկատմամբ զգայուն մարդկանց, տարեցների, քրոնիկ հիվանդների և հղիների վրա։ Մագնիսական փոթորկի ախտանիշները կարող են շատ տարբեր լինել, բայց ամենատարածվածներն են. գլխացավ, գլխապտույտ, սրտխառնոց և փսխում, ցավ հոդերի և մկանների մեջ, ջերմություն, բարձր արյան ճնշում, անքնություն.
Նման օրերին լուրջ հիվանդությունները հազվադեպ են և մարդկանց մեծամասնության համար փոթորիկները անցնում են առանց առողջական լուրջ հետևանքների: