Կալանավորված Գյումրու քաղաքապետ Վարդան Ղուկասյանի նկատմամբ նոր քրեական հետապնդում է հարուցվել:
Քննչական կոմիտեից «Հայկական ժամանակ»-ին հայտնել են, որ կոմիտեում նախաձեռնված քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը):
Նրան առաջին մեղադրանքը Հակակոռուպցիոն կոմիտեն էր առաջադրել կաշառքի գործով, իսկ 2-րդ մեղադրանքը՝ ՀՀ քննչական կոմիտեն՝ սեպտեմբերի 16-ին լրագրողների հետ զրույցում իշխանությունների մասին հնչեցրած արտահայտությունների համար։ 3-րդ մեղադրանքն օրերս Հակակոռուպցիոն դատարանում արված հայտարարությունների հետ է կապված։
Ղուկասյանը հայհոյախառն արտահայտություններ էր արել իրեն կաշառակերության համար մեղադրողների հասցեին: