Վրաստանի Սամգրելո-Զեմո Սվանեթի շրջանի ոստիկանության հայտնել է օտարերկրյա քաղաքացու սպանության մասին։ Ավելի վաղ հաղորդվել էր, որ այս տարածքից առևանգել են ռուս զբոսաշրջիկին, որն ընկերուհու հետ Վրաստան էր գնացել ամանորյա տոներն անկացնելու համար։ Այս մասին գրում է rbc.ru-ն:
Վրաստանի ՆԳՆ-ից հայտնել են, որ հունվարի 5-ին տեղի երկու բնակիչներ հարձակվել են Զուգդիդիից Մեստիա մեկնող երկու օտարերկրացու վրա և գողացել նրանց բջջային հեռախոսները։ Տղամարդուն կրակել են, իսկ դին նետել գետը։ Ավելի ուշ դին հայտնաբերվել է Նակրա գետում:
Քննչական գործողությունների արդյունքում վրացական ոստիկանությանը հաջողվել է բերման ենթարկել 1986 և 1992 թվականներին ծնված երկու տղամարդու։ Նրանց սպառնում է ցմահ ազատազրկում։
Ավելի վաղ վրացական Mtavari հեռուստաալիքը հայտնել է, որ ՌԴ-ից ժամանած զույգին ճանապարհին թալանել են։ Սպանվածի ընկերուհին հայտնել է, որ տղային նստեցրել են ավտոմեքենան, ապա լսել է կրակոցի ձայն ու դրանից հետո նրան չի տեսել։ Իսկ իրեն վախեցրել են ու թողել ճանապարհին։