Արագածոտնի թեմի դիվանապետ, Մուղնու Սուրբ Գևորգ եկեղեցու հոգևոր հովիվ Տեր Գարեգին քահանա Արսենյանի նկատմամբ դատարանը որպես խափանման միջոց ընտրել է տնային կալանք, փոխարինելով նախկինում կիրառված կալանքը։ «Արմենպրես»-ի հաղորդմամբ՝ այս մասին հայտնել է նրա պաշտպան Պետրոս Պետրոսյանը։
Ավելի վաղ, Քննչական կոմիտեն հրապարակել էր մանրամասներ Արագածոտնի թեմում իրականացված խուզարկությունների վերաբերյալ՝ նշելով, որ բացահայտվել են հավաքներին մասնակցելուն հարկադրելու, ընտրական իրավունքի իրականացմանը խոչընդոտելու, խոշոր չափերով վստահված գույքի հափշտակության դեպքեր։
ՔԿ տվյալներով՝ կատարվել է երկու տասնյակից ավելի խուզարկություն, հայտնաբերվել են ապացուցողական նշանակության փաստաթղթեր, էլեկտրոնային կրիչներ, խոշոր գումար, ոսկյա և արծաթյա զարդեր, վառելիքի մեծաքանակ կտրոններ և այլ առարկաներ։