Չբացահայտված թռչող օբյեկտների(ՉԹՕ) փորձագետը պնդում է, որ Մարկ Ցուկերբերգը հայտնաբերել է այլմոլորակայինների գոյության մասին ապացույցներ, սակայն թաքցնում է դա։ Կինոռեժիսոր և առաջատար ուֆոլոգ Մարկ Քրիստոֆեր Լին պնդում է, որ Facebook-ի գործադիր տնօրեն Մարկ Ցուկերբերգը գտել է ապացույց մեր գալակտիկայում։ Սակայն, ըստ նրա, այն գաղտնի է պահվում հանրությունից՝ արձագանքների պատճառով։

Լիի փոխանցմամբ՝ Ցուկերբերգը ֆինանսավորում է SETI (Արտերկրային բանականության որոնում) ծրագիրը, որը կոչվում է Breakthrough Listen։ Այս ծրագիրն արդեն երկու տարի առաջ ազդանշան է հայտնաբերել, որը գալիս էր Պրոքսիմա Կենտավրից (4.2 լուսատարի հեռավորության վրա գտնվող աստղային համակարգ)։

Ավելի ուշ հայտարարվեց, որ ազդանշանը արհեստական արբանյակից է եկել։ Սակայն Լին վերջերս զրուցել է ՆԱՍԱ-ի գիտնական, նախկին BBC Science- խմբագիր, պրոֆեսոր Սայմոն Հոլանդի հետ, ով առաջինն է բարձրաձայնել այս ամենը։ Հոլանդն ասում է, որ քիչ հավանական է, որ Breakthrough Listen-ը պարզապես արբանյակ է ֆիքսել։ Լին նշում է. «Պրոֆեսոր Սայմոն Հոլանդն ինձ հայտնել է, որ ստացված տեղեկություններով՝ ազդանշանը իրական է և ոչ թե մարդու ստեղծած սարքից է գալիս։ Հոլանդը պնդում է, որ սա արտերկրային կյանքի նշան է Պրոքսիմա Կենտավրի համակարգում, սակայն քանի որ դեռ չկա հստակ պատասխան այն մասին, թե ի՞նչ տեսք ունի այդ կյանքը, ինչպե՞ս է այն գոյատևում և այլն, չեն ցանկանում հանրայնացնել եղելությունը»։ SETI-ն որոշել է սպասել ավելի համոզիչ ապացույցների, նախքան հայտարարություն անելը։ Պրոֆեսոր Հոլանդն ավելացնում է, որ Քեմբրիջի համալսարանի մի խումբ գիտնականներ կատարել են երկրային պայմաններին նմանվող էկզոմոլորակի սպեկտրային վերլուծություն և գտել են կենսաբանական կյանքի նշաններ, սակայն դեռ չեն հրապարակել արդյունքները։ Հոլանդն ու Լին նաև նշում են, որ հավանաբար կա ինչ-որ արտաքին ուժ, որը վերահսկում է՝ արդյո՞ք այս ապացույցները կարող են հրապարակվել։ Հոլանդը նաև ենթադրում է, որ Չինաստանն ու Ռուսաստանը կարող են ունենալ նույն տեղեկատվությունը և հնարավոր է՝ նախքան ԱՄՆ-ի SETI ծրագիրը այն հրապարակեն։