Ֆրանսիայի վարչապետ Ֆրանսուա Բայրուի կառավարությունը հրաժարական է տվել 364 կողմ և 194 դեմ ձայների հարաբերակցությամբ անվստահության քվեից հետո,-հաղորդում է Euractiv-ը։

Նշվում է, որ Բայրուն դարձել է երկրի չորրորդ վարչապետը մեկ տարուց էլ պակաս ժամանակահատվածում և, ինչպես իր նախորդ Միշել Բարնիեն, հրաժարական է տալիս բյուջետային խնդիրների պատճառով։

Ֆրանսիայի վարչապետը իր հրաժարականի դիմումը կներկայացնի նախագահ Էմանուել Մակրոնին սեպտեմբերի 9-ին։

Ավելի վաղ Politico-ն հայտնել էր, որ Ֆրանսիայի պաշտպանության նախարար Սեբաստիան Լեկորնուն համարվում է երկրի վարչապետի թեկնածուն։ Նա միակ նախարարն է, որը մնացել է կառավարությունում 2017 թվականին՝ Էմանուել Մակրոնի ընտրվելուց ի վեր։