120 հազար դոլար, 12 մլն 500 հազար դրամ․Արա Զոհրաբյանի ունեցվածքը

«Զարթոնք» Ազգային քրիստոնեական կուսակցության ցուցակը գլխավորող Փաստաբանների պալատի նախագահ Արա Զոհրաբյանը 11 անշարժ գույք ունի:

Կենտրոնական ընտրական հանձնաժողով ներկայացրած նրա հայտարարագրից պարզ է դառնում, որ վերջինս ունի 4 բնակարան, 2 գրասենյակ, 2 ավտոտնակ եւ 2 ավտոկայանատեղ Երեւանում եւ 1 բնակելի տուն հողամասով Ծաղկաձորում։

Որպես շարժական գույք Զոհրաբյանը հայտարարագրել է 2 ավտոմեքենա՝ 2006 թվականի «Mercedes-Benz CLS 350» եւ 2013 թվականի «BMW X6»։

Որպես եկամուտ նա հայտարարագրել է 5 մլն 677 հազար 577 դրամ աշխատավարձ Փաստաբանների պալատից, 5 մլն 677 հազար 577 դրամ աշխատավարձ եւ 7 մլն 846 հազար 200 դրամ անշարժ գույքի վարձակալության գումար «Զոհրաբյան եւ ընկերներ» փաստաբանական գրասենյակ ՍՊԸ-ից, 4 մլն 264 հազար 925 դրամ աշխատավարձ «Տուրկապ» ԲԲԸ-ից, 1 մլն 52 հազար 800 դրամ աշխատավարձ «Ռովենտուս Ցենտր» ԲԲԸ-ից եւ 186 հազար 95 դրամ ծառայության վճար Երեւանի «Գլաձոր» համալսարանից:

Հայտարարագիրը ներկայացնելու օրվա դրությամբ Զոհրաբյանն ունեցել է 12 մլն 500 հազար դրամ եւ 120 հազար դոլար։  

Նա 19 տոկոս բաժնեմաս ունի «Զոհրաբյան եւ ընկերներ» փաստաբանական գրասենյակ ՍՊԸ-ում, ինչպես նաեւ 87.5% բաժնետոմս «Ռովենտուս-Ցենտր» եւ«Ռովենտուս բիզնես կենտրոն» ՓԲԸ-ներում։