Չինաստանի բնակչուհի Ցի Չայշին, ով ապրել է ավելի քան մեկ դար ՝ հունվարի 1-ին նշել է 124-ամյակը։ Նա հայտնի է կյանքի հանդեպ իր դրական տրամադրվածությամբ, բրնձի և խոզի ճարպի հանդեպ սիրով։
South Morning China Post-ը հայտնում է, որ Ցին Չայշին ծնվել է 1901 թվականին՝ Ցին դինաստիայի օրոք, ծնված կինը որպես երկարակեցության գաղտնիք է նշել լավ սնունդը, մասնավորապես՝ խոզի մսով, ճարպով բրինձը, դդմով շիլան ու կյանքի հանդեպ դրական վերաբերմունքը: Կնոջ խոսքով՝ ինքը երբեք չի բողոքում և յուրաքանչյուր անհաջողությունից հետո, պահպանում է կյանքի հանդեպ դրական վերաբերմունքը:
Նա սնվում է օրը երեք անգամ, զբոսնում է ուտելուց հետո և քնում է երեկոյան ժամը 8-ի սահմանում: Ցին կարողանում է ինքնուրույն սանրել մազերը, կրակ վառել և սագերին կերակրել, նույնիսկ աստիճաններով հեշտությամբ բարձրանալ:
Ցին Չայշին 40 տարեկանում կորցրել է ամուսնուն ու 4 երեխաներին մեծացրել է միայնակ։ Ամուսնու մահվանց հետո նրան հարված է հասցրել որդու մահը, ով կյանքից հեռացել է, իսկ հարսը թողել է թոռնուհուն ու ամուսնացել ուրիշի հետ։
100 տարեկանում Ցիի տեսողությունն ու լսողությունը որոշ չափով վատանում է, սակայն նա չի կորցնում դատողությունը։
«Տատիկը երբեք չի բողոքում։ Յուրաքանչյուր դժբախտությունից հետո նա որոշ ժամանակ լռում է, հետո հետ է վերադառնում ծիծաղով և դրական վերաբերմունքով», - ասել է թոռնուհին։
Համաձայն 2020 թվականի ազգային մարդահամարի՝ Չինաստանում ապրում է 119,000 հարյուրամյա բնակիչ, որն ամենաբարձր թիվն է աշխարհում։