15 օրից հանրային սննդի և ժամանցի վայրեր մուտքը կլինի միայն ՊՇՌ թեստի բացասական պատասխանով կամ պատվաստման սերտիֆիկատով

Հունվարի 20-ից հանրային սննդի կամ մշակութային հաստատություններ այցելելիս անհրաժեշտ կլինի ունենալ ՊՇՌ թեստի բացասական պատասխան կամ պատվաստման սերտիֆիկատ:

Այս մասին այսօր տեղեկացրեց ՀՀ առողջապահության նախարար Անահիտ Ավանեսյանը:

«Շրջանառել ենք, արդեն ամփոփել ենք, առաջիկա երկուշաբթի կհրապարակվի նախարարի հրամանը, որով հանրային սննդի վայրերում, ինչպես նաև մշակութային հաստատություններ այցելելիս քաղաքացիները պետք է ներկայացնեն վերջին 72 ժամվա ընթացքում ՊՇՌ թեստի բացասական թեստի արդյունք կամ վերջին 24 ժամվա ընթացքում ռապիդ թեստի պատասխան կամ պատվաստման սերտիֆիկատ»,- ասաց Ավանեսյանը:

Նախարարի խոսքով՝ որոշման հրապարակումից հետո՝ 15 օրվա ընթացքում, այն ևս ուժի մեջ կմտնի: