Ամեն տարի ներկայացվում են թրենդային գույները։ Նորաձևության աշխարհի ներկայացուցիչները ներկայացրել են գույները, որոնք 2025 թվականին լինելու են ամենանորաձևն ու պահանջվածը։
Կարմիր բալ
Սա համարձակ գույն է, որը ուշադրություն է գրավում։ Եթե ցանկանում եք լինել ուշադրության կենտրոնում, ապա կրեք կարմիր բալի երանգի զգեստ։ Սակայն հիշեք, որ այս գույնը ընդգծում է տարիքը։
Կրեմային դեղին (Butter Yellow)
Այս գույնը բառացիորեն լցված է ջերմությամբ ու դրական էներգիայով։ Այն կարող է ձեր տանը կամ զգեստապահարանում հարմարավետություն բերել։ Սիրելի մարդու հետ հանդիպմանը այս գույնը ձեզ կդարձնի գրավիչ։ Մոռացեք սնահավատությունները, որ դեղինն ամուսնալուծության գույնն է․ այժմ այն ամենանորաձև երանգներից մեկն է, այնպես որ վստահորեն կրեք այն։ Սակայն եղունգների լաքի համար այս գույնը լավագույն ընտրությունը չէ, այն այստեղ «կձախողի» և չի նպաստի ձեր իմիջին։
Ինդիգոյի աուրա (Aura Indigo)
Սա մանուշակագույնի շատ հետաքրքիր երանգ է։ Կօգնի ստեղծել խորհրդավոր, փոքր-ինչ անառիկ կերպար՝ առաջին ժամադրության ժամանակ, ինչպես նաև կհամապատասխանի ժամանակակից ինտերիերի ձևավորմանը։ Կարող եք այս գույնով ընդգծել ձեր վարսերը․ այս երանգով մի քանի մազափունջ միանշանակ ուշադրություն կգրավի։ Հագուստ, աքսեսուարներ, կոշիկներ, եղունգի լաք, յոգայի գորգ՝ այս գույնը ամենուր հիանալի տեսք ունի։ Գույնի անվան մեջ պատահական չէ «աուրա» բառը․ համարվում է, որ սա այն գույնն է, որով շողում է էզոթերիկ ունակություններով օժտված մարդկանց աուրան։
Մաղադանոսի կանաչ (Dill Green)
Այս կանաչավուն երանգը հիշեցնում է ինչպես թթու վարունգները, այնպես էլ ամառային այգիների փարթամությունը։ Վերջին տարիներին այն դարձել է առողջ սննդի խորհրդանիշ։ Բոլոր այդ սմուզիներն ու կանաչ հյութերը, պարզվում է, ոչ միայն օգտակար են, այլև կարող են լինել գեղագիտական առումով հաճելի։ Այս գույնը հարմար է խոհանոցի ինտերիերում վառ շեշտադրումներ անելու համար, ինչպես նաև աքսեսուարների համար․ պայուսակները կամ գոտիները հատկապես հաջող ընտրություն կլինեն։
Ալպյան վարսակ (Alpine Oat)
Տղամարդիկ այս գույնը հավանաբար պարզապես «բեժ» կանվանեն, բայց նրանք, ինչպես միշտ, սխալ կլինեն։ Այս հաճելի երանգն իսկական մինիմալիստական ոճի մարմնավորում է։ Այն կատարյալ է ինչպես պատերի ներկման, այնպես էլ անկողնային պարագաների համար։ Ստեղծում է հարմարավետություն և հանգստացնում է նյարդերը։