25-օրյա հավաքներից խուսափելու դեպքում պատիժը խստացվել է: Նախագիծն ընդունվել է ԱԺ նիստում: Կողմ են քվեարկել 53, ձեռնպահ՝ 0 և դեմ՝ 26 պատգամավոր:

Նախագծով առաջարկվում է վարժական հավաքներից խուսափելու համար քրեական պատասխանատվություն սահմանող Քրեական օրենսգրքի 462-րդ հոդվածում հստակեցնել խուսափման դրսևորման ձևերը:

ԱԺ պետաիրավական հարցերի հանձնաժողովում ներկայացված նախագծի համաձայն՝ զինծառայությունից խուսափելու համար ազատազրկման ժամկետն առաջարկվում է դարձնել 3-6 տարի՝ 2-5 տարվա փոխարեն։

Հավաքներից խուսափելու համար տուգանքն առաջարկվում է նվազագույն աշխատավարձի 20-ապատիկից բարձրացնել մինչև 15-30-ապատիկի, իսկ մինչև 2 տարվա ազատազրկումը փոխարինել 1-3 տարով։