Խորովածի 13-րդ փառատոնը կանցկացվի Ախթալա քաղաքում

Խորովածի փառատոնն այս տարի կզարմացնի հյուրերին բազմաթիվ տաղավարներով, համեղ ուտեստներով և հայկական ավանդական խորովածի նոր բաղադրատոմսերով:

Հայ խոհարարական ավանդույթների զարգացման և պահպանման հասարակական կազմակերպության նախագահ Սեդրակ Մամուլյանի փոխանցմամբ՝ Խորովածի 13-րդ փառատոնը, ավանդույթի համաձայն, տեղի կունենա Լոռու մարզի Ախթալա քաղաքում: Այն կմեկնարկի օգոստոսի 22-ին` ժամը 15:00-ին, ու կշարունակվի մինչև 19:00-ը:

Մասնակիցներին կգնահատեն «Լավագույն համ», «Լավագույն գաղափար», «Լավագույն արտաքին տեսք» անվանակարգերում: «Կտեղադրվեն մինչև 50 տաղավարներ, մենք 3-5 հազար հյուր ենք ակնկալում։ Միջոցառումը բաղկացած կլինի երկու մասից՝ մրցույթ և մշակութային ծրագիր։ Ժյուրիի կազմում վրացի մասնագետներ կլինեն», – ասաց Մամուլյանը։