Ֆուտբոլի Հայաստանի ազգային հավաքականի երկրպագուները մարտի 23-ին Վրաստանի մայրաքաղաք Թբիլիսիում կանցկացնեն երթ Ազգերի լիգայի B դիվիզիոնի ուղեգրի համար անցումային փլեյ-օֆֆի պատասխան հանդիպումից առաջ։
«Թբիլիսի մեկնող հարգելի երկրպագուներ, Վրաստան - Հայաստան խաղին ընդառաջ երկրպագուների երթը կմեկնարկի Tsereteli մետրոյի կայարանի հարակից հրապարակից։
Հավաքվում ենք մարտի 23-ին, ժամը 15։00-ից, երթը կմեկնարկի 16։00-ին` քաղաքային իշխանության հետ նախապես համաձայնեցված երթուղով։
Ձեզ հետ ունեցեք եռագույն դրոշներ և հավաքականի ատրիբուտիկա։
Կազմակերպված աջակցենք մեր հավաքականին Թբիլիսիում։
Անսպառ հավատ,
Անմնացորդ նվիրում»,- նշվում է FAF-ի հաղորդագրությունում։
Վրաստան - Հայաստան հանդիպումը մարտի 23-ին կմեկնարկի Երեւանի ժամանակով 18։00-ին։
Երեւանում տեղի ունեցած առաջին խաղում 3:0 հաղթել էր Վրաստանի թիմը։