Ամբողջ աշխարհում այս հանքաքարի միայն մեկ նմուշ գոյություն ունի։ Կշիռը ընդամենը 1,61 կարատ է, գույնը՝ դեղնավուն-դարչնագույն, կարծես սաթ լինի։ Բայց արժեքը՝ բառացիորեն անգին։ Սա գեղարվեստական արտահայտություն չէ, այլ գիտական փաստ. կյաուտուիտի(кьяутуит) եզակի բյուրեղը մինչ օրս մնում է միակ հայտնաբերված բնական նմուշը և շարունակում է բուռն քննարկումների առարկա լինել մասնագետների շրջանում։
2010 թվականին մյանմացի գեմմոլոգ Կյաու Տուն Չաունջիի շուկայում ձեռք բերեց մի քար, որը նրան տարօրինակ թվաց։ Նա ուղարկեց նմուշը մշակման և արդյունքում պարզվեց, որ դա բոլորովին այլ բան է։ Հասկանալով, որ չի կարող որոշել հանքաքարի կազմը, նա դիմեց Ամերիկյան գեմմոլոգիական ինստիտուտի Բանգկոկի լաբորատորիային։
Այնտեղ պարզվեց, որ քարի քիմիական կազմը մոտ է բիսմութի անտիմոնատին (Bi³⁺Sb⁵⁺O₄), որը նախկինում հայտնի էր միայն արհեստական ձևով։ Սակայն բյուրեղի կառուցվածքն ամբողջությամբ եզակի էր։
Հազվագյուտ հանքաքարը
Կյաուտուիտը նարնջագույն գույնի է՝ կարմրավուն փայլով, սպիտակ գծով։ Տիտանի, նիոբիումի, վոլֆրամի և նույնիսկ ուրանի հետքերը վկայում են նրա մագմատիկ ծագման մասին։ Եզակի նմուշը պահվում է Լոս Անջելեսի շրջանի Ազգային պատմական թանգարանում։