Քրիստոնեական հաստատությունների կամ հոգեւորականների ուղղությամբ ծայրահեղականների թքելու երեւույթին են քննարկել Երուսաղեմի փոխքաղաքապետ Ադիր Շվարցը եւ Հայոց պատրիարքության դիվանապետ Աղան վարդապետ Գոգչյանը։
Երուսաղեմի փոխքաղաքապետն պատրիարքություն է այցելել նախօրեին։
Հայերի վրա թքելը Երուսաղեմում նոր երեւույթ չէ, բայց վերջին տարիներին այն նոր թափ է առել, մասնավորապես քաղաքի հայկական թաղամասի կենտրոնական փողոցում, հայտնում են պատրիարքարանից։
Ադիր Շվարցն ինքն էլ այս երեւույթին ականատեսն է եղել պատրիարքարանի դիմաց՝ Վանքին դռանը։
«Մի երիտասարդ, վանքի դռան մոտից անցնելիս, երկու անգամ ցուցադրական թքեց։ Իմ աչքով տեսա այդ վիրավորանքը, որ ուղղված էր հոգեւորականներից մեկի դեմ։ Սա ամոթալի է, չեմ կարող հավատալ, որ այդ գործողությունն արվեց հրեաների անունով, որովհետեւ դա ոչ միայն հրեական չէ, այլ նաեւ Իսրայելի հետ ոչ մի առնչություն չունի»,- իր տեսածն է պատմել Ադիր Շվարցը։
Պատրիարքարանի հաղորդագրության մեջ նշված է, որ Երուսաղեմի փոխքաղաքապետը հույս է հայտնել, որ արժեքների վրա հիմնված կրթության, վերահսկողության եւ անձնական օրինակների օգնությամբ դրական փոփոխությունների կարձանագրվեն։