Լույս է տեսել հոգեբան Ժենյա Վարդանյանի «10 քայլ հաջողության հասնելու համար» գիրքը։ Այն սովորեցնում է ընթերցողին հաղթահարել կյան­քում առկա դժվարությունները։ Գրքում զետեղված են նաև առակներ, մեծերի կյանքից օրինակներ, խորհուրդներ և հո­գե­բա­նա­կան վարժություններ։

Հոգեբանի հետ զրույցը՝ ստորև․

-Ինչո՞ւ որոշեցիք 10 քայլ հաջողության հասնելու համար գիրքը գրել։ Ինչի՞ մասին է այն։

-2020 թվականի պատերազմից հետո որոշեցի գրել գիրքը՝ հասարակության շրջանում հետպատերազմական հոգեվիճակով պայմանավորված: Գիրքն օգնում է փորձությունները հաղթահարել, դժվար իրավիճակներում ելքը գտնել, մոտիվացիոն բնույթ ունի, ոգեշնչող։

-Ներկայացրեք մի քանի քայլ, որոնք կարող է կատարել ցանկացած ոք՝ հաջողության հասնելու համար։

-Կարևոր է մտածել, որ յուրաքանչյուր օրը հնարավորություն է ամեն ինչ նորովի սկսելու, չկան փորձություններ, կան դասեր, օրվա ընթացքում թեկուզև մեկ ուրիշին ուրախացնելն արդեն հաջողություն է, պատահական չէ ասված մեր կյանքի երկու կարևոր օրերն են ՝ մեկը երբ ծնվել ենք, մյուսը, երբ հասկացել ենք , թե ինչու։

-Ըստ Ձեզ՝ մարդիկ հաջողակ ծնվո՞ւմ են, թե՞ դառնում։

-Հաջողակ դառնում են, որովհետև, շատերը փորձություններից և ձախողումներից հետո են հաջողակ դարձել, դառնում են, ինչպես ցույց է տալիս յուրաքանչյուրի անցած ուղին։

-Ձեր կյանքում անսպասել ի՞նչ իրավիճակ, փորձություն է եղել, որ հաղթահարել եք։

-Փորձություններ եղել են, չէի առանձնացնի, իսկ անսպասելի իրավիճակ՝ դժվար էր քաղաքից բացակայել արտերկրի հետ ծրագրերով, որը հաջողությամբ հաղթահարեցի։

-Ո՞րն է Ձեր կյանքում եղած առաջին հաջողությունը։

-Երբ միջազգային որակավորւոմ ստացա

-Ո՞ւմ մտքերն են Ձեզ օգնել դժվարին պահերին։

-Լուիզա Հեյի մտքերը, որ շատ կարևոր է ամեն ինչ սկսել մեզնից, սիրելով ինքներս մեզ՝ կարող ենք սիրել մեզ շրջապատող աշխարհը, մարդկանց

-Կյանքի ո՞ր դասն է Ձեզ փոխել։

-Չէի առանձնացնի։ Վերջին շրջանում հաղթահարած կյանքի դասը, երբ հասկացա, որ ամեն օրը մեր կյանքի կարող է մեր կյանքի վերջին օրը լինել, ապրենք այնպես, ինչպես վերջին օրը։

-Հաջողակ ո՞ր մարդու կյանքի նույն ուղին կցանկանայիք ունենալ։

-Բրայան Տրեյսիի։