Թուրքիայի «Աղետների և արտակարգ իրավիճակների վարչության» (AFAD) փոխանցմամբ՝ Ստամբուլում 6.2 մագնիտուդ ուժգնությամբ երկրաշարժ է գրանցվել: 

Նշվում է, որ էպիկենտրոնը եղել է Սիլիվրի քաղաքում, 6.92 կմ խորության վրա: 

Երկրաշարժից ցնցվել են նաև հարակից շրջանները, այդ թվում՝ Բուրսան, Յալովան և Թեքիրդաղը:

Վախեցած մարդիկ ստիպված լքել են իրենց տները:

 Թուրքիայի խորհրդարանի խոսնակ Նուման Քուրթուլմուշը կոչ է արել պատրաստ լինել ավերիչ երկրաշարժի։

Ինչպես հայտնում է «Haberturk»-ը, նա նշել է, որ մոտ ապագայում կարող է ուժգին երկրաշարժ տեղի ունենալ։

«Ստամբուլում սպասվող ուժգին երկրաշարժը սարերի հետևում չէ։ Մեր ինստիտուտները, մեր ազգը, բոլորս պետք է պատրաստ լինենք հնարավոր երկրաշարժը նվազագույն զոհերով հաղթահարելուն», - ասել է նա։