Ջուրը մի քանի անգամ եռացնելու հարցը հաճախ վեճեր է առաջացնում: Ռուսաստանի առողջապահության նախարարության կլինիկական և կանխարգելիչ բժշկության ազգային կենտրոնի սննդային վարքագծի լաբորատորիայի ղեկավար Սոֆյա Ելիաշևիչը պարզաբանել է, որ այդ մասին տարածված վախերը անհիմն են: Խոսելով այն մասին, թե ջրի կրկնակի եռացումը հանգեցնո՞ւմ է «ծանր ջրի» (դեյտերիում պարունակող) կոնցենտրացիայի աճի, որը վնասակար է առողջությանը, թերապևտը պատասխանել է, որ դեյտերիումի քանակն այնքան աննշան է, որ այն չի կարող ազդել օրգանիզմի վրա:
Ինչ վերաբերում է հանքային աղերի կուտակմանը՝ կրկնակի եռացման դեպքում, թերապևտը բացատրել է, որ ջուրը կարող է կաթսայում նստվածք թողնել (կարծր ջրի պատճառով), սակայն դա առողջությանը չի վնասում: Պարզապես անհրաժեշտ է պարբերաբար մաքրել թեյնիկը:
Հարցին՝ շատերը կարծում են, որ եռացնելիս քլորը ջրում վնասակար նյութեր է առաջացնում, արդյո՞ք այդպես է, բժիշկը ընդգծել է, որ խմելու ջուրը ջրամաքրման կայաններում արդեն մաքրվում է օրգանական խառնուրդներից, և քլորի քանակությունը անվտանգ մակարդակում է:
Եզրակացություն. Կրկնակի եռացումը ջրի որակը էականորեն չի փոխում և առողջությանը վտանգ չի ներկայացնում:
Աղբյուր՝ KP.RU