Քաշմիրը համարվում է լարվածության օջախ այն զբաղեցնող երկրների, առավելապես Հնդկաստանի և Պակիստանի միջև։ 1947 թվականին՝ Բրիտանիայից անկախանալուց հետո, երկրի բաժանման արդյունքում, այն վարչականորեն բաժանված է երկու մասի։
Այս տարածքը երկար տարիներ եղել է միջուկային զենք ունեցող այս երկու երկրների հակամարտության կիզակետը, և նրանք երկու պատերազմ են մղել դրա համար (1947-48 և 1965 թթ.):
Հնդկաստանի արտաքին գործերի նախարար Ս. Ջայշանկարը շաբաթ օրը հայտարարել է.
«Երկու երկրները հասել են փոխըմբռնման՝ վերջ դնելով կրակին և ռազմական գործողություններին»:
Նա ընդգծել է.
«Հնդկաստանը միշտ պահպանել է կոշտ և անզիջում դիրքորոշում ահաբեկչության բոլոր ձևերի նկատմամբ և կշարունակի դա անել»:
Պակիստանի փոխվարչապետ Իշակ Դարը պատասխանել է.
«Պակիստանը միշտ ձգտել է տարածաշրջանում խաղաղությանն ու անվտանգությանը՝ առանց զիջելու իր ինքնիշխանությանն ու տարածքային ամբողջականությանը»:
Դադարեցումից հետո ԱՄՆ-ի Պետքարտուղար Մարկո Ռուբիոյի հայտարարությունը.
«Հնդկաստանն ու Պակիստանը համաձայնել են սկսել լայնածավալ հարցերի քննարկումներ՝ չեզոք տարածքում»:
Նա նշել է, որ ինքը և ԱՄՆ փոխնախագահ Ջեյ Դի Վանսը վերջին 48 ժամը անցկացրել են Հնդկաստանի և Պակիստանի ղեկավարների, այդ թվում՝
- Հնդկաստանի վարչապետ Նարենդրա Մոդիի
- և Պակիստանի վարչապետ Շեհբազ Շարիֆի հետ բանակցություններում:
- ՄԱԿ-ի Գլխավոր քարտուղար Անտոնիու Գուտերեշը ողջունել է «կոնֆլիկտի լարվածությունը նվազեցնելու բոլոր ջանքերը»:
Մեծ Բրիտանիայի վարչապետ Քիր Սթարմերն էլ հայտարարել է, որ երկիրը վերջին օրերին ակտիվ մասնակցություն է ունեցել բանակցություններում: Արտաքին գործերի նախարար Դեյվիդ Լամին շփվել է երկու կողմերի հետ:
«Ինձ ուրախացնում է այսօրվա դադարեցումը: Այժմ մեր խնդիրն է ապահովել, որ այն տևական ու կայուն լինի»:,ճասել է Լամինը։