Ինժեներ, գործարար և թանկարժեք քարերով զբաղվող Էրոլ Մասկը՝ Իլոն Մասկի հայրը, հունիսի 9-ին ելույթ է ունեցել «Ապագայի ֆորում — 2050»-ում, որն անցկացվել է Մոսկվայի «Լոմոնոսով» ուսումնառական-կրթական կլաստերի տարածքում։ Ինչպես հաղորդում է Naked Science–ի թղթակիցը, ապագայի մասին խոսելիս Մասկը հայտարարել է, որ այն պետությունը, որը առաջինը կհասկանա ձգողականության (գրավիտացիայի) էությունը և կկատարի տեխնոլոգիական ճանապարհորդություն ժամանակի ու տարածության մեջ` կդառնա առաջատար, այսինքն՝ «կկատարի համաշխարհային բեկում»։ Հավանաբար Էրոլ Մասկը նկատի ունի հիպոթետիկ մի հնարավորություն, որի դեպքում ոչ միայն տեղաշարժ է լինում տարածության մեջ, այլ նաև՝ ժամանակի։ Սովորական տեսական մակարդակում դա հնարավոր կլիներ, եթե շարժվեինք լույսի արագությունից ավելի արագ։ Այդպիսի ճանապարհորդությունները կարևոր է տարբերել գերձայնային շարժումից, որն ինքնին ֆիզիկապես անհնար է։ Որոշ գիտնականներ իրապես համարում են, որ Ալկուբիերե պղպջակները (Alcubierre bubbles) հնարավոր են, սակայն դեռևս հստակություն չկա այդ հարցում։ Եթե դրանք իրականում հնարավոր լինեն, ապա միաժամանակ կլինի թե՛ տիեզերանավ, և թե՛ ժամանակի մեքենա։ Վերջինս կխախտի պատճառահետևանքային կապը (կազդի պատճառահետևանքային սկզբունքի վրա), ինչն էլ կարող է սպառնալիք լինել մարդկանց և մոտակա օբյեկտների համար։