Ռուսական «Իսկանդեր» հրթիռային համալիրը, որը կարող է կրել բալիստիկ և թևավոր հրթիռներ, Ամերիկայի The National Interest (TNI) հրատարակության վերլուծաբան Բրենդոն Վայխերտը անվանել է Կիևի «գլխացավ»։ Իր հոդվածում նա նշում է, որ արդյունավետ հրթիռային հարվածները թույլ են տալիս նվազեցնել Ուկրաինայի ռազմական ներուժը։
«Իր առաջատար հնարավորություններով, ներառյալ բարձր արագությունը, մանևրելու ունակությունը և ռադարներից խուսափելու կարողությունը, այն դարձել է Ռուսաստանի ռազմավարության կարևոր տարրը՝ ուղղված Ուկրաինայի պաշտպանունակությունը թուլացնելուն»,-ասվում է հոդվածում։
Նշվում է, որ «Իսկանդեր-Մ» համալիրի հրթիռները հագեցած են ծուղակներով, որոնք ակտիվանում են թռիչքի վերջնական փուլում և ստեղծում կեղծ ազդանշաններ՝ հակաօդային պաշտպանության համակարգերը մոլորեցնելու համար։
Հեղինակը ընդգծում է, որ «Իսկանդերը» շարժական հարթակ է. հրթիռի թիրախավորումն ու արձակումը տևում է ընդամենը մի քանի վայրկյան, ինչը դժվարացնում է համալիրի դիրքի հայտնաբերումը մինչև արձակումը։ Վայխերտի խոսքով, այս ամենը «Իսկանդերին» վերածել է Կիևի համար մշտական սպառնալիքի։
Մայիսին Ուկրաինայի ռազմաօդային ուժերի ներկայացուցիչ Յուրի Իգնատը հայտարարել էր, որ «Իսկանդեր» համալիրի բալիստիկ հրթիռներն իրականացնում են մանևրներ, որոնք հնարավորություն են տալիս խաբել «Պատրիոտ» հակաօդային պաշտպանության համակարգերը։