Հայաստանի Հանրապետության սպառողական շուկայում 12-ամսյա գնաճը (2025թ. հուլիսը 2024թ.
մհուլիսի նկատմամբ) կազմել է 3.4%, իսկ նախորդ ամսվա նկատմամբ արձանագրվել է 0.8% գնանկում: Հանրապետության դիտարկվող բնակավայրերում 2025թ. հուլիսին հունիսի համեմատ սպառողական գները նվազել են 1.4-0.4%-ով, այդ թվում, գնանկման համեմատաբար բարձր ցուցանիշ գրանցվել է ք. Կապանում: Մայրաքաղաքում սպառողական գները նվազել են 0.8%-ով։

Վիճակագրական կոմիտեի փոխանցմամբ՝ 2025թ. հուլիսին 2024թ. հուլիսի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 4.7% գնաճ, իսկ 2025թ. հունիսի համեմատ՝ 2.7% գնանկում:
Հանրապետության դիտարկվող բնակավայրերում 2025թ. հուլիսին հունիսի համեմատ սննդամթերքի և ոչ ալկոհոլային խմիչքի գները նվազել են 3.9-1.8%-ով, այդ թվում, գնանկման համեմատաբար բարձր ցուցանիշ արձանագրվել է ք. Կապանում: Մայրաքաղաքում սննդամթերքի և ոչ ալկոհոլային խմիչքի գները նվազել են 2.5%-ով:

Տավարի մսի գինը 2025թ. հուլիսին 2024թ. հուլիսի համեմատ աճել է 1.3%-ով, գառան և խոզի մսերինը՝ 4.3% և 7.0%-ով, իսկ 2025թ. հունիսի համեմատ՝ համապատասխանաբար 0.5%, 0.6% և 3.1%-ով:
2025թ. հուլիսին 2024թ. հուլիսի համեմատ հանրապետությունում գրանցվել է հացի՝ 4.4%, մակարոնեղենի՝ 5.8%, ալյուրի՝ 8.4%, իսկ 2025թ. հունիսի համեմատ՝ համապատասխանաբար 0.1%, 0.4%, 0.1%, գնաճ:
Մարգարինի և կարագի գները 2025թ. հուլիսին 2024թ. հուլիսի համեմատ աճել են 2.0% և 12.6%-ով,
իսկ 2025թ. հունիսի համեմատ՝ 0.6% և 0.2%-ով:
2025թ. հուլիսին 2024թ. հուլիսի համեմատ հրուշակեղենի գինն աճել է 1.4%-ով, պաղպաղակինը՝
7.1%-ով, սուրճինը՝ 13.4%-ով, կակաոյինը՝ 20.4%-ով, իսկ 2025թ. հունիսի համեմատ՝ համապատասխանաբար 0.6%, 1.8%, 0.7% և 1.7%-ով:
Արևածաղկի բուսական յուղի գինը 2025թ. հուլիսին 2024թ. հուլիսի համեմատ աճել է 16.8%-ով, իսկ 2025թ. հունիսի համեմատ՝ 0.9%-ով:
2025թ. հուլիսին 2024թ. հուլիսի համեմատ հանրապետությունում արձանագրվել է ալկոհոլային
խմիչքի և ծխախոտային արտադրատեսակների 4.7% և 8.0%, իսկ 2025թ. հունիսի համեմատ՝ համապատասխանաբար 0.5% և 0.6% գնաճ:
«Իշխան» ձկնատեսակի գինը 2025թ. հուլիսին 2024թ. հուլիսի համեմատ աճել է 24.1%-ով, իսկ 2025թ. հունիսի համեմատ՝ 0.3%-ով:
Միաժամանակ, 2025թ. հուլիսին 2024թ. հուլիսի համեմատ ձվի գինը նվազել է 8.3%-ով, իսկ 2025թ.
հունիսի համեմատ՝ 1.3%-ով: 2025թ. հուլիսին 2024թ. հուլիսի համեմատ հանրապետությունում արձանագրվել է թարմ կաթի և շոկոլադի՝ 1.0 և 12.0% գնաճ, իսկ 2025թ. հունիսի համեմատ՝ 0.2% և 0.7% գնանկում: Շաքարի և շաքարավազի ապրանքախմբում 2025թ. հուլիսին 2024թ. հուլիսի համեմատ գրանցվել է 4.7%, իսկ 2025թ. հունիսի համեմատ՝ 0.5% գնանկում:
2025թ. հուլիսին 2024թ. հուլիսի համեմատ պանրի գինը նվազել է 0.5%-ով, թռչնամսինը՝ 0.2%-ով, իսկ 2025թ. հունիսի համեմատ՝ համապատասխանաբար 0.7% և 0.1%-ով:
Բանջարեղենի ապրանքախմբում 2025թ. հուլիսին 2024թ. հուլիսի համեմատ արձանագրվել է 6.1%
գնաճ, իսկ 2025թ. հունիսի համեմատ՝ 21.7% գնանկում: