ՖԻՖԱ-ի նախագահ Ջանի Ինֆանտինոն ներկայացրել է աշխարհի 2026 թվականի առաջնության երեք թալիսմանները:
Միացյալ Նահանգներում, Կանադայում և Մեքսիկայում կայանալիք Մունդիալի թալիսմաններն են սպիտակագլուխ արծիվը` Կլաչը, եղջերու Մեյփլը և յագուար Զայուն։
«Երեք թալիսմանները կլինեն այս հատուկ մրցաշարի համար ստեղծված անհավանական մթնոլորտի կենտրոնում։ Նրանք կգրավեն սրտեր, կբորբոքեն տոնակատարություններ Հյուսիսային Ամերիկայում և ամբողջ աշխարհում», – գրել է Ինֆանտինոն։
Առաջին անգամ աշխարհի առաջնությունը կանցկացվի երեք երկրում, նաև առաջին անգամ կմասնակցեն 48 երկրների ազգային հավաքականներ: Մրցաշարը կանցկացվի 2026թվականի հունիսի 11-ից մինչև հուլիսի 19-ը։