Պորտուգալիայի ազգային հավաքականի ավագ Կրիշտիանու Ռոնալդուն դարձել է աշխարհի առաջնությունների որակավորման փուլերի պատմության գլխավոր ռմբարկու, հայտնում է Tribuna.com-ը:

Եվրոպական գոտու ընտրական մրցաշարի՝ Հունգարիայի դեմ խաղում 40-ամյա ֆուտբոլիստը դուբլ է գրանցել և որակավորման փուլերում խփած գոլերի քանակը հասցրել 41-ի: Մինչև այդ Ռոնալդուն 39 գոլով առաջին տեղը կիսում էր Գվատեմալայի ազգային հավաքականի նախկին ֆուտբոլիստ Կառլոս Ռուիսի հետ:Լավագույն եռյակը 36 գոլով եզրափակում է Լիոնել Մեսսին: