ՀՀ ժողովրդական նկարիչ, քանդակագործ Լևոն Թոքմաջյանի «Պարույր Սևակ. Անլռելի զանգակատուն» քանդակը, որը օրերս տեղադրվել էր Զանգակատան միջնակարգ դպրոցի բակում, կհեռացվի։
Այս մասին Aysor.am-ի հետ զրույցում ասել է Պարույր Սևակի թոռը՝ Սևակ Ղազարյանը։
«Նշեմ, որ արձանը Լևոն Թոքմաջյանի անձնական նախաձեռնությունն ու անձնական նվերն է Զանգակատուն համայնքին։ Այսինքն՝ դա պետական պատվեր չէ, պետական միջոցներ չեն ծախսվել։ Հեղինակն իր սրտաբուխ նվերն է արել համայնքին։ Քանի որ բուռն քննարկումներ եղան սոցցանցերում, որոշեցինք մեր թանգարանի էջով գյուղի բնակիչների շրջանում սոցհարցում անցկացնել, պարզելու համար՝ ուզո՞ւմ են հեռացվի արձանը, թե՞ ոչ։ Ի վերջո, նվերը գյուղինն է և բնակիչները պետք է որոշում կայացնեն։ Այս պահի դրությամբ 80 տոկոսից ավելին քվեարկել է, որ չի ցանկանում, որպեսզի արձանը մնա։ Ըստ այդմ, մենք կվարվենք իրենց ցանկությամբ»,- ասել է Ղազարյանը։
Պարույր Սևակի թոռը շատ վատ է գնահատում հանրային տիրույթում մարդու աշխատանքի նման նվաստացումը, կոռեկտության սահմանները չպահպանելը
Նա նաև ավելացրել է, որ մի քանի օր էլ կսպասեն հարցման արդյունքներին և արձանը կհեռացնեն դպրոցի բակից։
Հիշեցնենք, որ օրերս Զանգակատան միջնակարգ դպրոցի բակում տեղադրվել է ՀՀ ժողովրդական նկարիչ, քանդակագործ Լևոն Թոքմաջյանի «Պարույր Սևակ. Անլռելի զանգակատուն» քանդակը։
Մանրամասները՝ սկզբնաղբյուր կայքում