COVID-19-ի դեմ AstraZeneca-ը պատվաստանյութը վերանվանվել է Vaxzevria

COVID-19-ի դեմ անգլո-շվեդական AstraZeneca ընկերության պատվաստանյութը մարտի 25-ին վերանվանվել է Vaxzevria, հայտնում է РИА Новости-ին՝ վկայակոչելով եվրոպական EMA գործակալության կայքը:

Շվեդիայի բժշկական ապրանքների գործակալության պորտալում նշվում է, որ պատվաստումների մասնագետները պետք է տեղյակ լինեն վերանվանման մասին, քանի որ ապրանքի վերաբերյալ տեղեկությունը, պիտակավորումը և փաթեթավորումը կարող են տարբեր լինել:

Անվան փոփոխությունը տեղի է ունենում մարտին պատվաստանյութ ստացած մարդկանց մոտ վտանգավոր բարդությունների մասին տեղեկությունների ֆոնին: Ավստրիայում պատվաստված մի անձի մոտ, օրինակ, հայտնաբերվեց բազմակի թրոմբոզ, նա մահացավ AstraZeneca-ի առաջին դոզան ստանալուց տասը օր անց: Մեկ ուրիշը հոսպիտալացվեց թոքային էմբոլիայի պատճառով: Ավելի ուշ նման տեղեկություններ ստացվեցին եվրոպական այլ երկրներից: ԵՄ որոշ պետություններ որոշում կայացրին դադարեցնել պատվաստանյութի օգտագործումը որպես նախազգուշական միջոց:

EMA-ի մասնագետները, սակայն, չեն հաստատել, որ AstraZeneca պատվաստանյութը մեծացնում է թրոմբոէմբոլիկ բարդությունների ընդհանուր ռիսկը: Եվրոպական Կարգավորողը նույնպես հաստատել է AstraZeneca-ի անվտանգությունն ու արդյունավետությունը և նշել, որ օգուտներն ու բնակչության պաշտպանությունը գերազանցում են դեղի հետ կապված հավանական ռիսկերը: