Volkswagen-ը նշանակալի փուլ է անցել իր ծախսերի կրճատման ծրագրում։ Ընկերության վարչության տվյալներով՝ արդեն 20 հազար աշխատակից համաձայնել է վաղաժամ հեռանալ աշխատանքից։ Նրանցից մոտ երկու երրորդը հեռանում են մասամբ թոշակի անցնելու տարբերակով։ Ծրագիրը համաձայնեցվել էր արհմիությունների հետ դեռ անցած տարվա վերջում և նախատեսում է, որ մինչև 2030 թվականը ընկերության գերմանական գործարաններում կկրճատվի 35 հազար աշխատատեղ։ Հեռացող աշխատակիցներին վճարվում են փոխհատուցումներ, որոնք կարող են հասնել մինչև 400 հազար եվրոյի՝ կախված աշխատանքային ստաժից։Բացի աշխատակիցների կրճատումից, VW-ն նախատեսում է կրճատել նաև պրակտիկանտների տեղերի քանակը․ 2026 թվականից սկսած՝ տարեկան առաջարկվող 1400 տեղի փոխարեն հասանելի կլինի միայն 600։ Ընկերության հաշվարկներով՝ այս միջոցները կթույլատրեն տարեկան մինչև 1,5 միլիարդ եվրո խնայել աշխատավարձերի վրա։ Բացի այդ, մոտ 130 հազար աշխատակից համաձայնել է աշխատավարձերի սառեցման հետ։ Աճի փոխարեն 5 տոկոսը կուղղվի հատուկ հիմնադրամ, որն, օրինակ, կֆինանսավորի ճկուն աշխատանքային գրաֆիկներ։ Բացի այդ, չեղարկվում է բարձրացված արձակուրդային հավելավճարի վճարումը։ IG Metall արհմիությունում նշում են, որ այս քայլերի շնորհիվ առայժմ հաջողվել է խուսափել գործարանների փակվելուց։