Ալյասկայի ափերի մոտ հակաօդային պաշտպանության գոտում, նկատվել են երկու ռուսական ռազմավարական ռմբակոծիչ` Տու-95 և երկու կործանիչ Սու-35,-հայտնում է ԱՄՆ և Կանադայի համատեղ հակաօդային հրամանատարությունը (NORAD)։ Նրանց որսալու համար օդ են բարձրացվել չորս ամերիկյան F-16, հետախուզական ինքնաթիռներ։ NORAD-ը պարզաբանել է, որ ռուսական ինքնաթիռները մնացել են միջազգային օդային տարածքում և չեն խախտել ԱՄՆ-ի կամ Կանադայի սահմանները։ Սակայն հրամանատարությունում ընդգծել են, որ «նույնականացման գոտում գտնվող բոլոր ինքնաթիռները պետք է անմիջապես ճանաչվեն ազգային անվտանգության շահերից ելնելով»։ Նման թռիչքները ռուսական ավիացիայի կողմից այլ երկրների սահմանների մոտ տեղի են ունենում պարբերաբար, սակայն վերջին շաբաթներին դեպքերի թիվն աճել է։ Օրերս, օրինակ, երկու ռուսական ռազմական ինքնաթիռ խախտեցին Էստոնիայի օդային տարածքը, իսկ Բալթիկ ծովի վրայով գերմանական Eurofighter-ները որսացին Իլ-20Մ հետախույզին, որը թռչում էր առանց թռիչքի պլանի և առանց կապ հաստատելու դիսպետչերների հետ։