Երկրպագուների քվեարկության արդյունքների 37%-ի համաձայն՝ Մալխաս Ամոյանի հաղթանակը ճանաչվել է որպես հունահռոմեական մրցաշարի լավագույն պահ, այս մասին հայտնում է Ըմբշամարտի միջազգային ֆեդերացիան:
«Եվրոպայի առաջնության Ամենամեծ պահը. Փարիզի 2024 թվականի Օլիմպիական խաղերի բրոնզե մեդալը նվաճելուց հետո իր առաջին մրցումներում Մալխաս Ամոյանը հաղթեց աշխարհի երեք մեդալակիրների՝ իր չորրորդ անընդմեջ Եվրոպայի տիտղոսը նվաճելու ճանապարհին:
Երկրպագուները ձայների 37% հարաբերակցությամբ ընտրել են Ամոյանի հաղթանակը որպես հունահռոմեական մրցաշարի լավագույն պահ»,- ասվում է UWW-ի տարածած հաղորդագրության մեջ:
Հիշեցնենք՝ Սլովակիայում ընթացող ըմբշամարտի Եվրոպայի առաջնությունում Հայաստանի ներկայացուցիչ, 77 կգ քաշային Մալխաս Ամոյանը կարիերայում չորրորդ անգամ արժանացել է չեմպիոնի կոչմանը՝ եզրափակչում 3։1 հաշվով վստահ առավելության հասնելով վրացի Ռամազ Զոյձեի նկատմամբ։