Անգլիական ֆուտբոլի լեգենդ, կիսապաշտպան Դևիդ Բեքհեմը ասպետի կոչում կստանա: Այս մասին հայտնում են The Times -ն ու  BBC Sport-ը։

Դեյվիդ Բեքհեմի անունը կներառվի պարգևատրման ցանկում, որը պաշտոնապես կհրապարակվի հունիսի կեսերին՝ Մեծ Բրիտանիայի թագավոր Չարլզ III-ի պաշտոնական ծննդյան օրվա կապակցությամբ (որը սովորաբար չի համընկնում իր իրական ծննդյան օրվա հետ):

Այսպիսով, Բեքհեմը կստանա ասպետի կոչում, կդառնա Սըր Դեյվիդ, իսկ նրա կինը՝ Spice Girls խմբի նախկին մասնակից Վիկտորիան, կկրի լեդի տիտղոսը:

Նշենք, որ Դեյվիդ Բեքհեմը հանդես է եկել «Մանչեսթեր Յունայթեդ» , «Ռեալ Մադրիդ» , «Միլան» , «ՊՍԺ» , «Լոս Անջելես Գալաքսի»  ակումբներում: «Յունայթեդ» -ի կազմում նա 6 անգամ հաղթել է Անգլիայի Պրեմիեր Լիգայում, իսկ 1999թ․-ին նվաճել է Չեմպիոնների Լիգայի գավաթը: Ներկայումս Բեքհեմը ամերիկյան «Ինտեր Մայամի»  ֆուտբոլային ակումբի համասեփականատերն է, որտեղ հանդես է գալիս Լիոնել Մեսսին: