Հունվարի 16-ին Մյունխենում սկսվել է Գերմանիայի խորհրդարանի (Բունդեսթագի) նախկին երկու պատգամավորների՝ Քրիստոնեա-դեմոկրատական միություն (ՔԴՄ) կուսակցության անդամներ Էդուարդ Լինտների և Ակսել Ֆիշերի դատավարությունը։ Նրանք մեղադրվում են Ադրբեջանի իշխանություններից կաշառք ստանալու մեջ՝ Եվրախորհրդարանում իրենց շահերի լոբբինգի համար։ Ադրբեջանն արդեն երկար ժամանակ մեղադրվում է եվրոպացի պատգամավորներին կաշառք տալու մեջ։
Նրանք մեղադրվում են Ադրբեջանից գումարներ ստանալու մեջ այն ժամանակահատվածում, երբ նրանք ներկայացնում էին Գերմանիան՝ Եվրոպայի խորհրդի խորհրդարանական վեհաժողովում (ԵԽԽՎ)։ Խոսքը կաշառք վերցնելու մասին է՝ նպատակ ունենալով ազդել վեհաժողովի որոշումների վրա՝ հօգուտ Ադրբեջանի։