Բրազիլիայի Սան Պաուլո նահանգի Tulip Park բուսաբանական այգում բադերն ու սագերը հանկարծակի կապույտ են դարձել։ Պատճառը դարձել է մոտ 2000 լիտր քիմիական նյութ փոխադրող շրջված բեռնատարը։ Կենդանիների և շրջակա միջավայրի համար հետևանքները լուրջ են եղել։ Դատախազությունն սկսել է քննություն՝ պարզելու պատահարի հանգամանքները։ Չնայած նշվում է, որ նյութը թունավոր չէ, լճում սկսել են մեռած ձկներ լողալ։ UOL լրատվական պորտալի տեղեկատվությամբ, խոսքը ջրում լուծվող նյութի մասին է, որն սովորաբար օգտագործվում է ծովախեցգետնի ֆերմաներում՝ սնկերի և մակաբույծների դեմ պայքարելու համար և համարվում է ոչ թունավոր։ Այնուամենայնիվ, կենդանիների պաշտպանները տագնապած են։