Daily Mail-ը ներկայացրել է արքայադուստր Դիանայի կյանքի ամենակրքոտ սիրավեպը:

Արքայադուստր Դիանան արդեն 28 տարի է, ինչ մեզ հետ չէ, բայց նրա անցյալից նոր մանրամասներ են բացահայտվում: Երբեմն՝ ոչ հաճելի: Ինչպես Ամերիկան բաժանված է դեմոկրատների և հանրապետականների կողմնակիցների, այնպես էլ Բրիտանիայում կան «կուսակցություններ»՝ դիանիստներ և հակադիանիստներ: Առաջինները արքայադստերն համարում են ամուսնու՝ դավաճանի և կեղծավոր արքայական ընտանիքի զոհ: Երկրորդները՝ նյութապաշտ և միևնույն ժամանակ հիստերիկ անձնավորություն, ով դիտավորյալ որսացել է Չարլզին, արժանապատիվ չի ապրել ամուսնալուծությունից հետո:

Արքայական կենսագիր Սալլի Բեդել Սմիթի բացահայտումները ջուր են լցնում երկրորդների ջրաղացին: Դիանան, պնդում է լրագրողը, հասել է նրան, որ ամուսնացած սիրեկանի տուն է գնացել մերկ ՝ հագին մուշտակ, զարդարված թանկարժեք քարերով:

Արքայազն Չարլզի (ներկայումս՝ թագավոր Չարլզ III) հետ ամուսնալուծությունից հետո Լեդի Դիանայի սիրեկանն է դարձել է արվեստի դիլեր և միլիոնատեր, Մերձավոր Արևելքի արվեստի մասնագետ Օլիվեր Հոարը: Դիանան սիրավեպի մանրամասները կիսել է ընկերուհու՝ լեդի Էլզա Բոուկերի հետ: Վերջինը 1998 թվականին պատմել է դրանք Սմիթին, գրում է The Daily Mail-ը:

Օլիվերը Դիանայից 16 տարով մեծ էր: Ապագա սիրեկաններին ծանոթացրել էր Չարլզը․ Հոարը նրա մտերիմ ընկերն էր: Սիրավեպը տևել է երկու տարի:

• Մի անգամ, երբ Օլիվերի կինը երեխաների հետ գտնվում էր քաղաքից դուրս, նա ասել է Դիանային, որ պետք է մեկնի ընտանիքի մոտ, քանի որ դուստրը հիվանդ էր և բարձր ջերմություն ուներ,- հիշել է լեդի Բոուկերը: Բայց Դիանան կասկածել է, որ նա գնում է հենց կնոջ մոտ, և ոչ մի բացատրություն չէր կարող նրան համոզել: Նա բնույթով շատ կասկածամիտ և անվստահելի մարդ էր: Նրանք և Օլիվերը մեքենայով էին, և ինչ-որ պահի Դիանան այնքան է վրդովվել, որ ընթացքի ժամանակ բացել է մեքենայի դուռը, փորձել դուրս ցատկել:

Երբ մեքենան հայտնվել է երթևեկության խցանման մեջ, Դիանան դուրս է վազել սրահից, թողնելով իր պայուսակը նստատեղին: Հոարը ստիպված է եղել երեք ժամ պտտվել Լոնդոնում՝ սիրուհուն փնտրելու համար: Նա գտել է նրան Քենսինգթոնյան պալատի մոտ գտնվող այգում․ լեդի Դին պառկած էր խոտերին և հեկեկում էր:

Մի անգամ, երբ Հոարի կինը և երեխաները մեկնել էին, արքայադուստրը հայտնվել է նրա տանը:

• Նա հագին մուշտակ էր և թիարա (թանկարժեք քարերով ժապավեն): Եվ երբ բուխարու մոտ հանեց մուշտակը, պարզվեց, որ ամբողջովին մերկ է: Դա ինձ ասել են և՛ Դիանան, և՛ Օլիվերը,- հիշել է լեդի Էլզան:

Մեկ այլ անգամ Դիանան կարողացել է սիրեկանին տանել Քենսինգթոնյան պալատ՝ թաքցնելով մեքենայի բեռնախցիկում: Եվ որոշ ժամանակ անց անվտանգության ծառայության աշխատակիցները նրան գրեթե առանց հագուստի կալանավորել են. նա ծառի հետևում սիգար է ծխել, բայց հրդեհային ահազանգը աշխատել է:

Լեդի Դիի սիրեկանների թվում են նախկին սպա Ջեյմս Հյուիթը, ավտոդիլեր Ջեյմս Գիլբին, ռեգբիստ Ուիլլ Քարլինգը և պրոդյուսեր Դոդի Ալ-Ֆայեդը, ում հետ նա զոհվել է ավտովթարից՝ Փարիզում: Բայց հենց Հոարի հետ սիրավեպը, կենսագիրների կարծիքով, ամենակրքոտն է եղել։

Չնայած սիրավեպին՝ Օլիվերը չէր պատրաստվում թողնել կնոջը: Երբ 1994 թվականին նա որոշել է դադարեցնել հարաբերությունները սիրուհու հետ, վերջինը սկսել է նրան զանգերով ձանձրացնել: Դրա պատճառով Հոարին ստիպված է եղել դիմել ոստիկանություն:

Հոարը մահացել է քաղցկեղից 2018 թվականին: Ուստի մենք երբեք չենք իմանա նրա և Դիանայի կապի մասին ամբողջ ճշմարտությունը: