«Զվարթնոց» պատմամշակութային արգելոց-թանգարանում մեկնարկել են հնագիտական աշխատանքները։ Աշխատանքներն իրականացնում է ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի և Լեհաստանի Վարշավայի համալսարանի Միջերկրածովյան հնագիտության լեհական կենտրոնի համատեղ արշավախումբը (համաղեկավարներ՝ Ավետիս Գրիգորյան և Արթուր Օբլասկի)։
Արշավախմբում ներգրավված են միջգիտակարգային մասնագետներ՝ հնագետներ, ճարտարապետ, հնաբուսաբան, հնակենդանաբան, հնամարդաբան, երկրաքիմիկ, երկրաֆիզիկ։
Առաջին փուլով իրականացվում է հնագիտական հուշարձանների երկրաֆիզիկական որոնում։
Հետախուզական աշխատանքներին կհաջորդեն պեղումները։