Անեմիան դրսևորվում է մաշկի գունատությամբ և համային նախասիրությունների փոփոխությամբ, իսկ տարեց մարդկանց մոտ այս ախտանիշներին կարող են ավելանալ նաև ոտքերի թուլություն և ջղաձգումներ: Այս մասին «Газета.Ru»-ի հետ զրույցում հայտնել է բժիշկ-թերապևտ Դմիտրի Կարպենկոն:
Մասնագետը նշել է, որ շատերը փորձում են ինքնուրույն ախտորոշել անեմիան՝ ընդհանուր նշաններով, ինչպիսիք են հոգնածությունը, թուլությունը, մազերի և եղունգների փխրունությունը: Սակայն այս ախտանիշները կարող են վկայել նաև այլ խնդիրների մասին՝ ներառյալ բորբոքային պրոցեսները, էնդոկրին խանգարումները կամ ուռուցքային հիվանդությունները:
Կարպենկոն պարզաբանել է, որ մաշկի գունատությունն անեմիայի հիմնական նշանն է, բայց մուգ մաշկ ունեցող մարդկանց մոտ այն կարող է աննկատ մնալ: Նման դեպքերում արժե ուշադրություն դարձնել լորձաթաղանթների գունատությանը։ Մեկ այլ ախտանիշ է համային անսովոր նախասիրությունը, օրինակ՝ կավիճ, սառույց ուտելու կամ ներկի հոտ քաշելու ցանկությունը, ինչը հաճախ կապված է երկաթի անբավարարության հետ:
Բժիշկ-դիետոլոգ Մարյանա Ջուտովան նշել է, որ ցելիակիան (գենետիկ հիվանդություն, որի դեպքում իմունային համակարգը աղիների վրա է հարձակվում գլյուտենի պատճառով) կարող է թաքնված լինել այլ հիվանդությունների ախտանիշների տակ: Մեծահասակների մոտ այն դրսևորվում է հոգնածությամբ, անեմիայով և հոդացավերով, իսկ երեխաների մոտ՝ աճի դանդաղումով և քաշի կորստով: