Թուրքիայի Իզնիկ լճից նիզակի ծայր են գտել, որն ակնթարթորեն գրավել է պատմաբանների և հնագետների ուշադրությունը: Ձկնորսն իր ցանցերով դուրս է հանել նիզակի ծայր, որը կարող է լինել Պոսեյդոնի լեգենդար եռաժանիի մաս: Ըստ մասնագետների՝ ժանգոտած այս արտեֆակտը, վերաբերում է հռոմեական ժամանակաշրջանին: Չնայած ծովերի աստծո առասպելական զենքի հետ կապը դեռևս միայն վարկած է՝ գտածոն գրավել է հետազոտողների ուշադրությունը: Այս մասին տեղեկացնում է Arkeonews-ը՝ հավելելով, որ այս պահին գիտնականները շարունակում են ուսումնասիրել արտեֆակտի ծագումը, սակայն հարկ է նշել, որ Պոսեյդոնն ինքը մնում է առասպելական կերպար, և նրա կապը գտածոյի հետ գիտական հաստատում չունի: Այնուամենայնիվ, ըստ կայքի, այս հայտնագործությունը կարող է լույս սփռել Իզնիկ լճի նոր առեղծվածի վրա:
Կարծես թե թուրքերը հերթական պատմությունն են սկսում հորինել՝ ևս մեկ անգամ իրենց երկրի հանդեպ ուշադրություն գրավելու համար։ Խորամանկ այս քայլն ամենայն հավանականությամբ կնպաստի զբոսաշրջիկների աճին, չէ՞ որ սկսվում են ամառային արձակուրդները։