Երիտասարդության միջազգային օրն՝ օգոստոսի 12-ին, ՀՀ 2025 թվականի երիտասարդական մայրաքաղաք Ապարանում նախատեսվում են իրականացնել մի շարք նախաձեռնություններ և միջոցառումներ։

ՀՀ կրթության, գիտության, մշակույթի և սպորտի նախարարությունը ՄԱԿ-ի բնակչության հիմնադրամի հայաստանյան ներկայացուցչության և Ապարանի համայնքապետարանի հետ համագործակցությամբ իրականացնում է առցանց հարցում:

ԿԳՄՍ նախարարությունից հայտնում են, որ հարցման նպատակն է՝ կարևորել երիտասարդների ներգրավվածությունը և կարծիքը՝ այդ օրը կայանալիք միջոցառումները նրանց ցանկություններին և ժամանցային նախասիրություններին համապատասխան կազմակերպելու համար:

Նախարարությունից նշում են, որ հարցմամբ ցանկանում են տեղեկանալ, թե Երիտասարդների միջազգային օրվան` օգոստոսի 12-ին նվիրված միջոցառումների ի՞նչ նախընտրություններ և առաջարկներ ունեն երիտասարդները, ինչպիսի՞ միջոցառումների կցանկանան մասնակցել։

Հարցմանը հնարավոր է մասնակցել մինչև հունիսի 22-ը ներառյալ, որից հետո  արդյունքները կամփոփվեն և կհրապարակվեն։

Հարցմանը մասնակցելու համար անհրաժեշտ է անցնել հետևյալ հղմամբ: