Իրանն Իսրայելին պատասխան հարվածի համար գործի է դրել 200 ինքնաթիռ, որոնք ավելի քան 330 հրթիռ են արձակել, հաղորդել է իսրայելական բանակի ներկայացուցիչը։ Վերջինիս խոսքով՝ Իրանն Իսրայելի դեմ արձակել է նաև ավելի քան 100 անօդաչու թռչող սարք։Իրանական ԶԼՄ-ները հաղորդում են, որ ԱԹՍ-ներն իրենց թիրախներին կհասնեն մոտավորապես 4 ժամից, միաժամանակ կարձակվեն բալիստիկ հրթիռներ։ Դրանք իրենց թիրախներին կհասնեն արձակումից յոթ րոպե անց։ Իրանագետ Վարդան Ոսկանյանն էլ անդրադառնալով ստեղծված իրավիճակին տելեգրամի իր ալիքում գրել է.
Իսրայելական կողմի պնդմամբ՝ Իրանի վրա թիրախային հարձակմանը մասնակցել են 200 ռազմական օդանավեր։Դրանք, այսուհանդերձ, մուտք չեն գործել Իրանի օդային տարածք, այլ հարվածներ են հասցրել Իրաքի երկնքից։ Իրանական բազմաշերտ պատասխան հարվածն արդեն իսկ սկսված է, իսկ իրանցի պաշտոնյաները հայտարարել են, որ այն լինելու է տարածաշրջանային ծավալների։Սա նշանակում է, որ իրանական պատասխան հարվածների թիախ կարող են դառնալ նաև այն պետությունների ռազմական ենթակառուցվածքները, որոնք աջակցել և օժանդակել են իսրայելական օդուժին։