ԱՄՆ-ում բնակվող Ռեզա Փահլավին՝ Իրանի վերջին շահ Մոհամմադ Ռեզա Փահլավիի որդին իրանցիներին կոչ է արել տապալել այաթոլլաների ռեժիմը և հայտարարել, որ պատրաստ է ղեկավարել երկիրը՝ անցումային շրջանի առաջին հարյուր օրերի ընթացքում։
«Ես ուզում եմ ազգային և ժողովրդավարական կառավարություն՝ իրանցիներից և իրանցիների համար», ավելացրել է նա։
Սակայն Իրանում ոչ բոլորն են հավատում «արքայազնին»։ Նա գրեթե ամբողջ կյանքն անց է կացրել աքսորում՝ ԱՄՆ-ի Մերիլենդ նահանգում։ Քննադատները նրան մեղադրում են նրանում, որ երբեք հստակ չի հրաժարվել «գահին իրավունք ունենալու գաղափարից»։
Այնուամենայնիվ, Փահլավին ունի կողմնակիցներ. նա աջակցություն է ստանում բարեփոխումներ և ավելի աշխարհիկ պետություն պահանջողների կողմից։ 2023 թվականին նայցելել է Իսրայել, հանդիպել Բենյամին Նեթանյահուի հետ և աղոթքը Լացի պատի մոտ ցույց է տվե, որ չի կիսում իրանական ռեժիմի հակաիսրայելական քաղաքականությունը։ Նրա կինը՝ Յասմինը, ակտիվորեն մասնակցում է «Կին. Կյանք. Ազատություն» շարժմանը, իսկ ինքը բացահայտորեն աջակցում է սեռերի հավասարությանը։
Ռեզա Փահլավին ասում է, որ իշխանության չի ձգտում «ցանկացած գնով»՝ նշելով․ «ժողովուրդն ինքը պետք է որոշի, թե ինչ դերում կարող է օգտակար լինել»։ Նա առաջարկում է, որ իրանցիները այաթոլլաների ռեժիմի անկումից հետո հանրաքվեի միջոցով ինքնուրույն որոշեն երկրի կառավարման ձևը։