Ճապոնիայում մեծածավալ հրդեհը ոչնչացրել է մի ամբողջ քաղաքային թաղամաս։ Ճապոնիայի Կյուսյու կղզում գտնվող Օիտա խոշոր քաղաքում բռնկված հ հրդեհը լիովին ոչնչացրել է մոտ 170 շինություն, վնասել՝ շուրջ 130-ը։ Սագանոսեկի թաղամասը ամբողջությամբ այրվել, իսկ 76-ամյա մի բնակիչ զոհվել է։ Հրդեհը սկսվել է երեքշաբթի երեկոյան և շարունակվել մինչև չորեքշաբթի. կրակը շատ արագ է տարածվել, քանի որ թաղամասում մեծ մասը ավանդական փայտե տներ են կառուցված, որոնք իրար մոտ են գտնվել։ Կրակը անմիջապես տարածվել է նաև դեպի մոտակա անտառ։ «Երբ հասանք դեպքի վայր` ամեն ինչ արդեն կրակի մեջ էր։ Մեծ կայծեր էին թռչում, հրդեհաշիջման խողովակները և այլ սարքավորումներ այրվում էին», — պատմել է Օիտայի հրշեջ ծառայության պետի տեղակալ Տոշիուկի Շուտոն։Կրակը ոչնչացրել է 49 հեկտար տարածք։ Այժմ իշխանությունները փորձում են ապահովել բնակարաններով այն մարդկանց, ովքեր մնացել են անօթևան։